大渣哥茶記 (已結業)

最喜欢早餐去大渣哥只食呢个黑牛黑面餐。上次嚟食已经系一年前，今次嚟食竟然唔使查身分证！？记得以前连早餐都要排队，可能热潮已经过咗，可以即刻入座。由于本人唔食公仔面嘅所以将佢转咗做米粉，配炒蛋丹麦多士热奶茶，系香港人嘅经典早餐！大渣哥嘅沙嗲汁非常浓郁，牛肉腌得好入味，亦食得出好新鲜因为好淋，米粉都好爽好幼身，又大碗，加埋真系Per肥池！丹麦多士整块充满牛油香味，烘到脆卜卜，炒蛋又滑，应该加咗牛油炒，食完真系要落街跑返10个圈先得。奶茶有茶餐厅嘅正宗味道。虽然一个常餐来讲$52有啲贵，但系物有所值，会继续做黑牛黑面嘅fans！