熊拉麵 (蘇杭街)

营业中

休息中

今次食拉面食到去上环，今次去咗熊拉面。喺上环地铁站一出行1分钟就到。我同女朋友一如以往坐咗系吧枱，今次张凳较高，我哋可以欣赏成个整拉面嘅过程。我哋太肚饿嘅关系，除咗每人叫咗一碗拉面之外，仲叫多个迷你叉烧丼。等紧拉面嘅时候，餐厅提供三种配菜俾你医下个肚仔先，女朋友差啲食晒成兜芽菜落单纸清晰易明，估唔到叉烧嘅种类都有三种，好吸引！女朋友叫既黑熊拉面颜色相当吸引，汤底非常浓郁，每一条面都沾上黑蒜汤底，好惹味。叉烧方面，女朋友拣咗梅头瘦叉烧，总共两大片，食落完全唔腻，虽然瘦但入哂味好有口感。面质方面，我同女朋友都拣咗幼面，硬度适中，蛋都够晒流心，真系冇咩可以挑剔，正！食完黑熊就到白熊啦！汤底系浓郁嘅猪骨汤，好饮到差啲饮晒成碗。视觉最受刺激既时候系见到果两片火炙肥叉烧，又厚又大，食既时侯感觉入口即溶，好神奇两个拉面嘅份量都足够，叫埋个迷你叉烧丼就啱啱好，叉烧嘅份量同饭差唔多，好足料，每一粒叉烧唔会好难咀嚼，好够稔。最后埋单＄200都唔使，但已经饱到横唔到腰，呢个价钱食到咁饱又好味，应该得佢一间。