一芳台灣水果茶 (已結業)

今日喺美丽华行街，经过一芳水果茶，之前见过但冇机会饮，今日终于可以试下。其实唔知饮咩好，见佢地有大个牌卖黑糖粉圆鲜奶，听落几吸引，就买咗一杯中杯装试下。不过呢杯系冇得减糖减冰嘅。人唔多，大概等咗10分钟就有。真系唔系讲笑，呢杯野坚好饮。啜一啖，第一时间饮到浓浓黑糖嘅味道，跟住就系鲜奶味，两者混埋原来好夹。入面嘅粉圆好似珍珠咁，细滑弹牙，比一般珍珠奶茶𠮶啲好食。饮饮吓觉得已经上咗瘾，早知买杯大嘅啦。下次要试其他味道！