珍煮丹 (已結業)

平时放假都会嚟葵涌广场度扫街，今日竟然比我见到原来开咗珍煮丹！已经想试左好耐啦，但每次都夹唔啱时间，今日终于可以饮，真系好开心😍Menu上面嘅选择唔算好多，但全部都十分吸引，花多眼乱嘅情况底下，我同男朋友就决定嗌店舖嘅推荐饮品算喇😂-黑糖珍珠厚鲜奶其他店嘅黑糖饮品通常系固定甜度，但珍煮丹嘅黑糖饮品原来系可以自选甜度架！男朋友嗌左少甜、少冰，加埋黑糖饮落唔会过甜，再加埋厚鲜奶，口感香滑又有质感，好creamy! 珍珠细细粒、软硬度适中、咬落烟韧，配搭好好！-奥利珍头先讲到黑糖饮品可以自选甜度，反而呢杯奥利珍就系固定甜度嘅。卖相同menu唔同，不过唔紧要啦，最紧要味道好姐😂入面有Oreo碎粒、黑糖奶盖同埋黑糖珍珠，最特别系有成块Oreo，店员提醒我哋要先搅匀曲奇碎再一次过饮，口感丰富，好好饮！好似饮紧一杯cookies and cream落肚咁！