李圓圓 (庇利金街) (已結業)

黑糖珍珠真系好邪恶，但系要戒甩真系好困难，所以饮亲珍奶一定要饮好饮嘅，如果唔系就会白白浪费一个邪恶嘅quota。李圆圆来自台湾淡水，打正台湾古早旗号，当然唔可以错过。夜晚特登食light d，留返个quota饮佢嘅黑糖珍珠鲜奶。佢嘅选择唔一般台式饮品舖头咁多，只系集中做黑糖珍珠系列嘅饮品，当然都有古早味嘅冬瓜柠檬呢啲清新嘅嘢。由于已经系夜晚，饮茶我会怕瞓唔着，所以就拣咗黑糖珍珠鲜奶。佢仲有个version叫做黑糖珍珠鲜奶2.0 ，我谂应该系比较浓厚嘅奶？实在怕太邪恶，所以都系饮返普通鲜奶算。睇住佢个半透明嘅厨房入边炒紧黑糖珍珠，就感觉到珍珠真系好新鲜。同埋佢系就算黑糖珍珠鲜奶都可以拣甜度，值得一赞杯野到手见到黑糖挂杯，好靓，又有劲多珍珠佢啲珍珠入口仲系暖暖地，外面稔稔地，里面烟烟韧韧好QQ，市面上其他珍奶嘅珍珠都系冻嘅，口感比较硬，有时会𡁻到好攰，但李圆圆就完全唔会有呢个情况。不过佢嘅鲜奶味道比较淡口，可能因为咁就有2.00嘅出现，下次我应该会试吓2.0。