李圓圓 (庇利金街) (已結業)

虽然已经踏入咗中秋，但香港仍然好似个沙漠咁热，加上因为疫情成日要戴住口罩，今日行行吓有少少缺水中暑嘅感觉，于是就买番杯珍珠奶茶叉叉电。李圆圆嘅黑糖珍珠出晒名，所以佢嘅招牌饮品都一定系有黑糖珍珠。未试过嘅朋友可以参考佢嘅五大推介。李圆圆嘅黑糖珍珠系即场用个大锅煮嘅，所以就算你叫嘅系冻饮，佢嘅珍珠都一定系暖暖哋，店内亦有告示牌，教人正确享受李圆圆嘅方法。我始终都系钟情于台式嘅冬瓜茶，所以我今日就叫咗一杯黑糖珍珠冬瓜鲜奶，配合埋李圆圆嘅黑糖珍珠，非常Q弹有口感，简直就系沙漠中的甘露，绝配！