李圓圓 (駱駝漆大廈) (已結業)

呢间茶饮店想试咗好耐，据闻佢系唯一一间用明火，古法熬煮黑糖珍珠。适逢今次响街行到中暑咁济，即刻走去买杯饮下。最吸晴一定系佢嘅signature- 黑糖珍珠鲜奶，另外见有期间限定，几款茶饮口味，望落都好吸引。而家买一杯黑糖圆圆珍珠鲜奶系列，仲可以半价换购呢几款新口味。黑糖珍珠鲜奶 - 黑糖珍珠真系冇得输，比坊间嘅软熟，好烟韧弹牙，黑糖味配埋香浓嘅鲜奶，真系好正。另一杯期间限定，拣咗黑糖珍珠四季春。呢杯茶味好香，入口甘醇，加埋黑糖珍珠嘅甜味，消暑解渴。忍唔住要再赞下佢嘅珍珠真系整得好味，so far系我饮过咁多间嘅no. 1，各珍珠控真系值得一试。