影片
更多
2018-07-23
2413 浏览
※本文以用餐当日的环境、服务和食物质素为准，口味亦因人而异，文章只作参考之用。-台式饮品过江龙来势汹汹，开完一间又一间，除左老虎堂外；由台湾艺人「纳豆」所开设既「良辰吉时」，都系香港连开两间分店！（荃湾及元朗）仲记得佢地个花纹纸杯真系影相一流。仲记得荃湾店新开张又排到癫左咁滞，大热天时，愿意一杯饮品等成个钟以上既人一定唔会系小妹。事隔唔使一个月长龙已消散，小妹当日平日六点去到，只有约十个人排队，但足足等左成15-20分钟先到我落单，里面人手充足（成7-8个店员），条队却郁得好慢，令我一度怀疑长龙既原因只系因为收钱收得慢！餐牌上饮品款式选择多，不过睇过唔少评论，奶茶似奶水，珍珠又无味，所以男人想叫多杯有味珍珠黎饮都被我否决左！最终都系要左杯餐牌上无，但广告牌上有既「啵爆黑糖厚鲜奶」，杯黑糖奶价钱仲贵过老虎堂，到底值唔值呢？啵爆黑糖厚鲜奶 $36标旁用100%日本明治鲜奶，无得调冰或糖，拎上手个黑糖底好热下。唔明有好多人都话点解黑糖珍珠系热既，连埋珍珠新鲜煮出黎梗系热啦，去台湾饮都系热架（用普通糖浆围边同煮定既珍珠咪唔热啰！）上面仲有层厚奶霜同洒上脆脆黑糖，奶霜搭配下饮落奶味比较醇厚（第一
-
台式饮品过江龙来势汹汹，开完一间又一间，除左老虎堂外；由台湾艺人「纳豆」所开设既「良辰吉时」，都系香港连开两间分店！（荃湾及元朗）仲记得佢地个花纹纸杯真系影相一流。
仲记得荃湾店新开张又排到癫左咁滞，大热天时，愿意一杯饮品等成个钟以上既人一定唔会系小妹。事隔唔使一个月长龙已消散，小妹当日平日六点去到，只有约十个人排队，但足足等左成15-20分钟先到我落单，里面人手充足（成7-8个店员），条队却郁得好慢，令我一度怀疑长龙既原因只系因为收钱收得慢！
餐牌上饮品款式选择多，不过睇过唔少评论，奶茶似奶水，珍珠又无味，所以男人想叫多杯有味珍珠黎饮都被我否决左！最终都系要左杯餐牌上无，但广告牌上有既「啵爆黑糖厚鲜奶」，杯黑糖奶价钱仲贵过老虎堂，到底值唔值呢？
啵爆黑糖厚鲜奶
$36
25 浏览
0 赞好
0 留言
啵爆黑糖厚鲜奶 $36
标旁用100%日本明治鲜奶，无得调冰或糖，拎上手个黑糖底好热下。唔明有好多人都话点解黑糖珍珠系热既，连埋珍珠新鲜煮出黎梗系热啦，去台湾饮都系热架（用普通糖浆围边同煮定既珍珠咪唔热啰！）
上面仲有层厚奶霜同洒上脆脆黑糖，奶霜搭配下饮落奶味比较醇厚（第一二啖）。黑糖望落好多咁，饮落唔会话甜到癫左（当然要拌匀先饮啦），反而愈饮愈唔够味。珍珠我俩都觉得唔会太腍都几烟韧，但唔算入味。
整体不过不失，但唔会觉得系难饮！而且成杯有三份一系奶盖，所以饮到既唔多，比较细杯，价钱亦偏贵，饮返TeaDays好过，一试无妨吧！
张贴
