鹿角巷

营业中

休息中

星期五晚，终于的起心肝去鹿角巷买呢期好吸睛嘅黑糖鹿丸。虽然见到呢条人龙有少少却步，但我都系乖乖地排左队，我计过，由排队到攞到杯嘢饮，共花左大约35分钟。我一睇到限定呢两个字就双眼发光，二话不说买左杯黑糖鹿丸鲜奶（$28）。有两种建议饮法，首先要霸气直接饮，之后就可以摇匀9下再饮。一拎上手，杯饮品真系好靓，杯底暖暖地，因为啲黑糖珍珠，即系鹿丸，系热架，一啖饮落去，果然系浓郁嘅黑糖牛奶味！之后我参考佢个建议饮法，摇匀再饮，感觉冇咁甜，但呢杯饮品，由于冰块甜度系固定嘅关系，我建议要快啲饮完，因为啲冰会沟淡左牛奶味，而且如果佢加啲红茶，等杯饮品有返啲茶味，应该会冇咁甜。不过都算系一试无妨。