暖心芝作

营业中

休息中

呢间小店啲黑芝麻产品好出名，我就系嚟食黑芝麻软雪糕。去到门口，见到条约十多人嘅人龙，原来系排队买芝麻卷（每日12点至19点，每小时得25盒，每人限购一盒）。睇吓时间，差几分钟就18点，数数条队嘅人头，唔够廿个，即刻排队。黑芝麻软雪糕（$28）第一啖咬落去，哗，不得了，有惊喜。黑芝麻味超浓，好似食紧一碗劲香劲浓味嘅芝麻糊。因为软雪糕上唧咗一圈嘅黑芝麻酱，所以将浓度再提升。软雪糕又浓又香又滑，配埋脆口嘅雪糕筒，好耐未食过咁高质素嘅软雪糕。十级推荐。黑芝麻菲林卷（$25）一盒六小条，表面洒上少许白芝麻。入口时仍然微温，咬落好有弹性，口感软滑，芝麻味浓，甜度适中，味道不错。