農米莊 (豉油街)

营业中

休息中

今日Lunch去食黑蒜雞湯米線，平時我夜晚去食要$58，原來lunch $48，仲要+$4就有凍飲！其實哩間嘢剛剛開張到宜家都食過好多次，全部特色嘅米線我都食過晒，哩間嘢我覺得最好食係啲雞，有雞味，雞肉又唔鞋，同埋啲雞皮好薄，無乜脂肪，因為我本身唔鍾意食雞皮，太肥膩，所以哩間農米莊就岩晒我。佢果3款雞湯米線比較濃味同惹味係黑蒜雞湯米線，米線軟硬適中，不過唯一唔好係哩款黑蒜味個湯會比較多油。