Black Coffee

营业中

休息中

嚟到Black Coffee好开心，因为有好多无奶咖啡选拣，又有百利酒咖啡，有啲想试，但基于甜品又太吸引，要平衡番个甜度，唯有下次先试。🍹Dirty 杯冻，有饮到咖啡和奶的分层，唔错。🍹Blackccino 有层绵滑泡泡，有啲似Shakerato，配甜品啱晒。🍝自家制忌廉磨菇猫耳朵意粉配慢煮口水鸡扒配搭新鲜，鸡皮少少脆，忌廉磨菇中和到口水鸡扒嘅辣，猫耳朵意粉软硬适中，不错。🍝自家制烟熏猪腩配黑啤意大利饭 相对猫耳朵意粉细碟，意大利饭心少少硬，有咬口，每啖饭充满香浓黑啤味🤤。两大块猪腩，配上青苹果粒粒，好青爽，解腻👍🏻。🍰脏脏提拉米苏好耐冇食提拉米苏，见系脏脏版想试下，果然系好sweet嘅甜品😆，酒香浓会更好。🧇黑芝麻酱窝夫配香草雪糕好香浓嘅黑芝麻酱，不论窝夫本身定黑芝麻cream都劲浓郁，有香草籽嘅香草雪糕好滑，食晒劲饱。