壹級日本料理 (已結業)

第一次黎美林邨，想唔到会食到咁正既火锅，特别依家天气咁冻，食落去暖笠笠，好正！ 呢个黑豚肉火锅（$188）完全估唔到咁大份量，上桌先知咁足料，有菜有肉，每盘都有画板咁大，诚意可嘉，营养均衡，一定唔惊肥哈哈！蔬菜睇得出全部都好新鲜干净，摆得咁靓令人食欲高涨！特别个猪骨汤底要重点推介！未滚已经香味四溢，黑豚肉浸下去后又滑又惹味，蔬菜都好易吸收到浓浓的汤底，完全不用点任何酱汁已经好好食呢~我幅相影得比较差，呢个蟹丼另一边仲有两大块蟹柳，真系好多配料，鲜甜爽口，一边食火锅一边食下小清新，唔错。忌廉蟹肉薯饼~很推介既炸物！粉浆厚度刚刚好，入面D蟹肉热腾腾，甚有咬口，大满足！ 呢餐唔系叫左好多，但几个人都够饱，所以唔贵，以质素来讲都好满意。下次仲想试埋刺身啊。