蔦 (已結業)

一间拉面店好少会得到米芝莲嘅垂青，所以一直都好想嚟呢间米芝莲拉面试下。咁啱佢而家做紧优惠 ，终于有机会啦今次。我嗌咗黑酱味玉叉烧拉面，黑酱我谂即系黑蒜油啦。个汤饮落去其实个黑蒜味唔系好出，有一种淡淡嘅猪骨味，畀我嘅感觉系佢唔太咸，但系饮落去好浓，亦都好油。老实讲我唔太钟意个汤。面质嚟讲，因为佢系幼面，所以相对哋冇咁弹牙。叉烧佢就有四块，分量好足，而且唔太肥，系我钟意𠮶只。值得一赞嘅系佢嘅溏心蛋，好少香港嘅拉面店会做到好似日本𠮶只咁，依间拉面店就做到啦，值得一赞。