影片
更多
2021-06-25
3112 浏览
因为响W酒店Staycation体验中会有消费额关系，小编就与老公去享受下唔同餐厅既美食，而整个Staycation最令我地深刻既餐饮，就系WOOBAR今次既黑松露下午茶。黑松露所散发出黎既味道其实好因人而异，见到唔少响Openrice既食家食完后有比较负面既感觉，原本都令小编响预约个阵都有犹豫，不过今次响WOOBAR既下午茶就令我有唔少既惊喜。首先讲讲地理位置先，餐厅位于酒店大堂既登记入住柜台附近；由于酒店大堂于酒店6楼既关系，大家一出升降机直行就会见到喇! 餐厅楼底非常高，完全唔驶担心倾计个阵会令你有焗促而嘈吵既感觉。价钱方面，虽然2人用既下午茶系$688+10%，但其实大家可以响官网选购餐饮劵后再订位，价钱上会有折扣 (但小编因为Staycation既消费额而无得享用折扣了)。大家可能会留意到星期六日既价钱会特别贵，但其实响周末既下午茶都会包括2杯香槟等你可以更舒服咁同朋友一齐享用下午茶。入座后无耐就会有员工专业既拎住香槟为大家准备。大家响享用香槟后大约20分钟左右，黑钻松露下午茶既餐盒就正式上枱喇! 最令小编深刻既就系佢地会用个精致既木盒会装住所有食物，以营造一个高级既感觉。坦
黑松露所散发出黎既味道其实好因人而异，见到唔少响Openrice既食家食完后有比较负面既感觉，原本都令小编响预约个阵都有犹豫，不过今次响WOOBAR既下午茶就令我有唔少既惊喜。
首先讲讲地理位置先，餐厅位于酒店大堂既登记入住柜台附近；由于酒店大堂于酒店6楼既关系，大家一出升降机直行就会见到喇! 餐厅楼底非常高，完全唔驶担心倾计个阵会令你有焗促而嘈吵既感觉。
价钱方面，虽然2人用既下午茶系$688+10%，但其实大家可以响官网选购餐饮劵后再订位，价钱上会有折扣 (但小编因为Staycation既消费额而无得享用折扣了)。
大家可能会留意到星期六日既价钱会特别贵，但其实响周末既下午茶都会包括2杯香槟等你可以更舒服咁同朋友一齐享用下午茶。入座后无耐就会有员工专业既拎住香槟为大家准备。
大家响享用香槟后大约20分钟左右，黑钻松露下午茶既餐盒就正式上枱喇! 最令小编深刻既就系佢地会用个精致既木盒会装住所有食物，以营造一个高级既感觉。坦白讲虽然木盒都几占用空间，但用黎打卡既话的确更几好!
下午茶总共包括5款咸点﹑5款甜点以及每人1件既松饼 (的确以松饼既数量计会比较少)。等小编尝试传达一下对每款食物既感觉俾大家睇啦：1) Beef-Root tartar with truffle snow：好好味! 虽然佢系以肉类既挞为主要材料，但因为以tartar形式去制作，所以肉入面其实系带有酸汁，令你食个阵完全唔油腻，甚至作为下午茶既开胃食物系最好不过!
2) Kaviari scallop rillettes, lobster, crab and ikura tartelette：好好味! 顾名思义就系以龙虾﹑蟹肉，再配以鱼子粒去制作既海鲜挞，虽然蟹肉等既份量唔算多，但胜左鱼子新鲜，令你响口入面咀嚼个阵都会食到鲜味，而唔会因为蟹肉等可能唔够挞皮味道重而有喧宾夺主既感觉。
3) Deconstrcuted egg sandwich with fresh truffle: 好味! 好多时响一般既下午茶会见到类似鸡蛋三文治既物价，但响WOOBAR佢地就将鸡蛋打蓉再以类似沙律形式放入蛋壳内，食个阵其实都系类似蛋沙律既味道，唔算有太大惊喜。
4) Cheese & mushroom arancini with truffle sauce：类似炸酿芝士既菜式。唔好以为食落去一定会好油腻，但其实入面都酿入唔少既切碎磨菇粒，所以令你食个阵唔会有太强炸既味道，而小编绝对推荐点住下面既松露酱食，会香口好多架!
5) W truffle comte cheese macaron：边个话马卡龙一定系甜呢! 呢款Macaron就系利用芝士去制作内馅，食个阵系偏向咸而微微带有松露既香味。如果平时嫌弃马卡龙太甜既朋友，小编绝对推荐你试下!
6) Truffle honey panna cotta with blackberries：还可以。本身小编唔太喜好Panna Cotta既甜味 (尤其用莓酱作伴)；不过呢款Panna Cotta以蓝莓粒作伴，而同时布甸以蜜糖去调味，所以食个阵会有阵阵既蜜香，而同时因为蓝莓关系而觉得口感好清新。
7) Spring sakura cream puff: 呢款系其中1款无松露成份既甜品，泡芙系偏向淋身，但反而上面既类似朱古力皮系硬身去承托住入面既Cream，食个阵又硬又软都几得意。
8) "Drunken Cherry" black forest tart: 推荐! 表面简单既樱桃，其实已经被长时间浸于威士忌下，食落去有浓烈既酒香，而同埋黑森林蛋糕挞一齐食，就令你响浓烈既朱古力味道再加深!
9) Wild strawberry pavlova with fresh truffle: 小编理解类似蛋白既脆脆面上，豪爽既加入松露丝，以及简单既士多啤梨切片，食个阵可以尝试慢慢感受松露丝既香味，然后再同蛋白脆脆一齐食，各食材之间几平衡，唔会抢夺太多味道。
10) "Truffle hunting" dark chocolate truffle: 简简单单既松露朱古力，原意应该系收藏于朱古力既"泥土"下由大家发掘出黎，但我估可能之前有客人因为误以为被消失而唔开心，所以店员于食物上枱时都特别提及松露朱古力系可以连附近既朱古力一齐拎走去享用。
整个下午茶体验，最令小编窝心既，系因为餐厅响较早前与酒店既Email来往留意到老公生日，而特登制作生日蛋糕作为惊喜! 员工送上时并非只系放低，而系有同老公祝贺并唱生日歌。小编都无谂过情况下觉得好惊喜，亦都多谢WOOBAR既安排。
蛋糕系蛋白脆脆蛋糕，简单得黎又唔会因为太大份食唔哂而造成浪费，最紧要都系员工既心意同蛋糕旁既生日讯息，足以令小编觉得对W酒店既印象分加左唔少! 综观黎讲：食物质素唔错固之然重要，而餐厅内员工与客人间既沟通，以及佢地既细心都足以令小编会继续考虑光顾喇!
题外话/补充资料：
由于WOOBAR既下午茶会因应唔同季节会有主题上既转变，以小编所知由6月头开始已经转变成夏季主题，所以大家响订座前可以先去W酒店既官网睇睇佢最新既主题餐饮再作考虑。
(以上食记乃用户个人意见 , 并不代表OpenRice之观点。)
张贴
