影片
更多
2021-08-13
302 浏览
朝早失惊无神落咗场黑雨☔️，打乱了工作安排，所以决定放自己半日假，第日先再好好努力。放假就当然要揾啲搞作，拨个轮确定餐厅有开之后，😁我就怀住兴奋嘅心情出发到湾仔嘅「ULURU」。点解咁兴奋？因为我想拜访呢间餐厅好耐㗎喇，但一直未夹啱时间嚟食下午茶。估唔到喺咁嘅情况下，我终于有机会来朝圣。呢度环境绝对无令人失望，由地下门口、楼梯以至室内位置都非常靓😍，再配合埋轻松嘅音乐，彷佛让人置身于童话世界。我会喺文章最后详细介绍餐厅嘅装修。虽然我一心系嚟食下午茶，但亦都有留意到佢嘅午市餐牌，午餐定价喺湾仔区唔算贵，百头一份西餐🍽，不过唔知份量多少。另外，饮品选择亦都多。彩花之里·温室下午茶($338/两位用)，期待已久嘅下午茶出场喇🎊。下午茶由几部份组成，每样食物造型都好精致，份量就偏的骰。不过食Tea一向都系醉翁之意不在酒嘅，无所谓啦😜。甜品有两部份，首先系迷你朱古力糖果温室🍬，「温室」貌似盆栽，中间仲插咗朵玫瑰添，非常可爱。玻璃球器皿入面装住朱古力碎同棉花糖，质感好得意，既松脆又带点烟韧。之后就系三层心点(小新说法)架，中间层系三式蛋糕🍰，从左至右数起分别系柚子🍊、摩卡☕️同蓝莓乳酪🫐。蛋糕细细件，
朝早失惊无神落咗场黑雨☔️，打乱了工作安排，所以决定放自己半日假，第日先再好好努力。放假就当然要揾啲搞作，拨个轮确定餐厅有开之后，😁我就怀住兴奋嘅心情出发到湾仔嘅「ULURU」。
点解咁兴奋？因为我想拜访呢间餐厅好耐㗎喇，但一直未夹啱时间嚟食下午茶。估唔到喺咁嘅情况下，我终于有机会来朝圣。呢度环境绝对无令人失望，由地下门口、楼梯以至室内位置都非常靓😍，再配合埋轻松嘅音乐，彷佛让人置身于童话世界。我会喺文章最后详细介绍餐厅嘅装修。
虽然我一心系嚟食下午茶，但亦都有留意到佢嘅午市餐牌，午餐定价喺湾仔区唔算贵，百头一份西餐🍽，不过唔知份量多少。另外，饮品选择亦都多。
彩花之里·温室下午茶
$338
34 浏览
0 赞好
0 留言
迷你朱古力糖果温室
13 浏览
0 赞好
0 留言
之后就系三层心点(小新说法)架，中间层系三式蛋糕🍰，从左至右数起分别系柚子🍊、摩卡☕️同蓝莓乳酪🫐。蛋糕细细件，唔惊塞到滞咗。三款中我最钟意蓝莓，味道几有层次，而且亦唔腻。顶层有两粒马卡龙，啡色系朱古力，但白色𠮶粒我就唔系好食得出系乜味🙈。
Uluru朱古力
16 浏览
0 赞好
0 留言
迷你玫瑰奶冻
12 浏览
0 赞好
0 留言
朱古力牛角包，🥐牛角包外层好脆，虽然细只，但都无令到内层唔松软，中间加咗朱古力酱，份量适中，唔会令人反感。
咸食有两种，包括泰式炸鱼蛋🍢同吉列炸虾🍤，炸物就正常水平啦，食落相对饱肚，啱哂为食嘅我，但建议餐厅提供酱汁配炸物食。
饮品方面，下午茶包指定饮品，款式三拣二，店员好好人温馨提示我哋冻饮嘅造型会比较靓，适合打卡📸，唔通俾佢发现咗我系港女？哈哈。我哋要咗Uluru Rose Tea同Tiramisu Coffee🍹，两杯都好大杯，够晒气势，味道都OK啦，玫瑰𠮶杯开头有少少怪，但越饮越啱味。==========
接住落嚟我就会好似地产经纪咁带大家行一圈餐厅🤣，首先当然系楼梯，沿途两边都画上黑白插画。
当差唔多行到上去，就会见到餐厅写住We are Open! #ULURU✅。
楼梯尽处嘅插画系栏杆、花园迷宫以及城堡🏰。
之后就系糖果橱窗🍭。
小心前面梳妆台块魔镜会靓爆镜💋💄。
太靓，爆咗😹。
餐厅嘅第一部份设有梳化位🛋。
厨房亦都喺呢边👨🏻🍳。
行过大厅，沿住走廊，穿出房间🚶♀️。
就会嚟到餐厅嘅第二部份，呢边比较多座位，而且仲有个大窗可以渗透自然光进内🔆。
窗框望出去有好多旅游胜地呀✈️。
另外仲有暖炉添🔥。
最后唔少得两个高枱打卡位，自成一角㗎👻。
总括嚟讲，呢个黑白童话世界实在令人沉醉在内🖤🤍，环境设计坚有心思，餐厅已经营业咗几年，但大致上都保养得好好👍，始终白色好易污糟嘛。再者，食物味道亦都唔差，所以我认为绝对值得来一睹呢度嘅风采呢。
张贴
