影片
更多
2016-04-08
708 浏览
店舖：西环店日期：2016年4月8日时间：大约下午6点柯打：堂食烤鸡捞檬、冻柠茶。问题：落单全程黑面，不过呢样唔系重点。重点：份烤鸡捞檬算ok多檬粉,檬粉质地偏硬身，配菜系底，烤鸡「鞋口」。一般嚟讲，难食嘅嘢我都少写食评，但气顶就坚要写。檬粉跟一包酸汁，份量系少到捞唔到嘅。我都有努力去捞过，但系喺汁少粉多(而且干身硬身)嘅困境下，我落哂成包汁但系捞极都系dry过SuperDry。咁我惟有礼貌地问厨房要多两包汁啦，厨房嘅职员小姐己经开咗口，叫我俾碗粉佢，佢帮我落汁。我果一刻坚系开心仔嘅。但系，之但系呢一番美意俾收银黑面神听到，阿黑面姐一个箭步动物冲埋嚟，叫住厨房职员美意小姐。当黑面姐知道咗我想攞两包酸汁之后，佢释出佢嘅善意：「半包。」吓? 我同美意小姐都打咗个突，我心谂「半包?!」黑面姐见我同美意姐都呆咗，就继续话:「俾半包佢。要收钱㗎，每三蚊。」我果嘢真系再hold唔住喇，我话「唔使喇唔使喇‼」返埋位食埋碗［烤柴鸡极度干燥冇得捞檬］啦。重点之中嘅重点系，你碗捞檬真系干到冇得捞(一包汁入力后)。如果你店家坚持话个配方系咁，系得一包汁唧，加多减少会影响风味品质嘅，系我错。但你俾乞儿咁俾多半
日期：2016年4月8日
时间：大约下午6点
柯打：堂食烤鸡捞檬、冻柠茶。
问题：落单全程黑面，不过呢样唔系重点。
重点：份烤鸡捞檬算ok多檬粉,檬粉质地偏硬身，配菜系底，烤鸡「鞋口」。一般嚟讲，难食嘅嘢我都少写食评，但气顶就坚要写。檬粉跟一包酸汁，份量系少到捞唔到嘅。我都有努力去捞过，但系喺汁少粉多(而且干身硬身)嘅困境下，我落哂成包汁但系捞极都系dry过SuperDry。
咁我惟有礼貌地问厨房要多两包汁啦，厨房嘅职员小姐己经开咗口，叫我俾碗粉佢，佢帮我落汁。我果一刻坚系开心仔嘅。但系，之但系呢一番美意俾收银黑面神听到，阿黑面姐一个箭步动物冲埋嚟，叫住厨房职员美意小姐。当黑面姐知道咗我想攞两包酸汁之后，佢释出佢嘅善意：「半包。」吓?
我同美意小姐都打咗个突，我心谂「半包?!」黑面姐见我同美意姐都呆咗，就继续话:「俾半包佢。要收钱㗎，每三蚊。」我果嘢真系再hold唔住喇，我话「唔使喇唔使喇‼」返埋位食埋碗［烤柴鸡极度干燥冇得捞檬］啦。
重点之中嘅重点系，你碗捞檬真系干到冇得捞(一包汁入力后)。如果你店家坚持话个配方系咁，系得一包汁唧，加多减少会影响风味品质嘅，系我错。但你俾乞儿咁俾多半包，仲话每包收三蚊？！食咗几廿年捞檬间间都有一壸酸汁俾客人酙㗎啦。孤_寒‼
冇乜嘢嘅，冇下次啰。
张贴