焗廚 (已結業)

话说我都好一段时间无写食评，时不时游走荃湾嘅我，偶尔会经过此店。好深刻印象我上一次帮衬食过乜、写过乜。好耐无再帮衬，原因……。时隔多时，今日特意再来探究店家对客人意见珍而重之，还是视之如无物。结果……差不多三点，枱上放满各种餐牌，有啲头痕。揾到个茶餐牌，有饭食，店员……呀！以佢嘅气场来判断，应该系老板，问我食乜嘅语气，令我感觉犹如置身澳牛，Amazing! 叫左一个墨西哥汁鸡饭，叫饮品，"冻柠茶"，"无！无茶！"，"咁有咩？"，阿老板喺堆餐牌当中淘到张饮品menu，叫我自己睇, 讲都废事饭到，其实感受完气场，食乜都唔多愉快，况且佢个鸡饭，汁多鸡少，不过我认为个汁系OK，少少辣，捞饭可以，至于鸡就好少，唔超过五旧，size比麦乐鸡还要细，系煎过嘅鸡扒，鸡唔干唔硬，而啲饭当然唔会比靓米你食，我亦唔会奢求食物算唔上好味，服务………真系睇你好唔好彩，我见另一个女店员十分有礼貌，阿老板啲面色都系留番比伙记睇啦，我黎食个饭啫，唔系要你热情，但至少都比客人舒舒服服用餐丫