影片
更多
2012-02-04
242 浏览
黑食会嘅聚会都算非常频密, 所以有时都难免唔齐人; 就好似呢一次大声要帮阿公做野, 所以黎唔到做冬; 于是就只剩底肥邓, 串爆同吹鸡, 大家一致决定要揾一间大家都想食嘅食店, 而呢间食店要以羊肉为主打! 一讲到食羊就点可以唔黎呢间食店, 加上串爆从来都未试过, 所以就约埋一齐行去呢间食店!当然订位乃系必要, 去到食店发觉人都唔多, 不过照例同伙计讲订左枱, 最后就被带到一张卡位, 坐底后立即睇下有咩好食, 经过一轮商议后, 一致决定柯打清炖羊肉汤, 羊肉粗炒, 京葱羊肉馅饼, 孜然羊肉, 蒜蓉炒白菜仔同埋羊肉锅贴!落完单唔使等好耐就已经有得食, 第一道登场的是清炖羊肉汤, 清炖羊肉汤柯打左中size, 未入口已经闻到羊肉劲香酥, 非常吸引, 再入口发觉汤嘅味道非常清甜, 而浓浓的酥香味透过汤里散发出黎, 汤料嘅羊肉非常松软, 入口仍然酥香, 超级之正, 绝对系嗜羊者必食之选! 之后再试羊肉粗炒, 羊肉粗炒略嫌炒得油少少, 不过羊肉依然香酥, 可以一试!京葱羊肉馅饼系逐件柯打, 三个人当然系叫三件, 羊肉馅饼个饼底做得好薄身, 薄得黎又可以盛载到成个羊肉馅料, 而且唔会穿, 入口就发觉浓
当然订位乃系必要, 去到食店发觉人都唔多, 不过照例同伙计讲订左枱, 最后就被带到一张卡位, 坐底后立即睇下有咩好食, 经过一轮商议后, 一致决定柯打清炖羊肉汤, 羊肉粗炒, 京葱羊肉馅饼, 孜然羊肉, 蒜蓉炒白菜仔同埋羊肉锅贴!
落完单唔使等好耐就已经有得食, 第一道登场的是清炖羊肉汤, 清炖羊肉汤柯打左中size, 未入口已经闻到羊肉劲香酥, 非常吸引, 再入口发觉汤嘅味道非常清甜, 而浓浓的酥香味透过汤里散发出黎, 汤料嘅羊肉非常松软, 入口仍然酥香, 超级之正, 绝对系嗜羊者必食之选! 之后再试羊肉粗炒, 羊肉粗炒略嫌炒得油少少, 不过羊肉依然香酥, 可以一试!
京葱羊肉馅饼系逐件柯打, 三个人当然系叫三件, 羊肉馅饼个饼底做得好薄身, 薄得黎又可以盛载到成个羊肉馅料, 而且唔会穿, 入口就发觉浓浓的汤喺馅饼里浸出黎, 汤香甜超讨好, 配上羊肉香酥, 亦系另一道必食之选! 至于孜然羊肉味道够香够辣, 除此之外就冇咩特别; 蒜蓉炒白菜仔嘅白菜都几嫩绿新鲜, 不过炒得油少少; 最后系羊肉锅贴一客有五只, 羊肉锅贴煎得好白脆, 馅料内亦有浓浓的汤汁, 而羊肉系非常酥香吸引, 亦系一道必食推介!
总括黎讲食物水准非常出色, 地方都唔算太细, 而且都几干净, 服务亦友善, 三条友埋单三百六, 每人都系讲紧百二蚊, 有咁高水准, 绝对抵食! 当食完呢一餐后, 大家都已经非常之饱, 所以连甜品都唔使食, 用呢一间食店作为黑食会之做冬真的非常完美, 所以笑脸系一定要比, 相信唔使几耐一定会再黎! 张贴
