影片
更多
2012-01-13
188 浏览
黑食会前前后后都搅左六次, 而肥邓, 串爆, 吹鸡同大声亦先后揸过庄, 一个循环之后理应再次轮到肥邓, 点知串爆忽然爆一句想食肉骨茶, 喺咁嘅情况下肥邓决定过庄比串爆, 所以是次揸弗人就系串爆! 而串爆心仪左呢间食店嘅肉骨茶好耐, 所以最后决定黎呢间食店, 亦为黑食会之第二循环揭开序幕!用串爆名义留定枱, 吹鸡同肥邓早少少到左门口, 已经见人山人海, 但店内真系有张四人枱预留了, 等埋串爆先至行入去, 坐底一阵大声亦出现了; 既然人齐了当然要落单, 一口气就柯打左巴东羊肉, 马来沙爹杂锦, 福建炒面, 油松饼, 薯仔薄饼, 当然唔少得肉骨茶啦, 四个人拣左个细! 落完单等左一阵, 首先登场就系串爆最心仪嘅肉骨茶, 虽然系拣左细的肉骨茶, 但经侍应细心分赃后, 份量就刚好足够四个人, 店方好明显系惊四大内讧, 所以摆定条友喺度啦! 先试肉骨茶, 讲真肉骨茶点样先叫好, 真系唔多识, 不过呢碗肉骨茶就确实讨好, 皆因汤够清味道甜, 而药味都几浓但又唔会好似碗药咁, 有药香而冇药味 洽到好处来形容就最贴切不过; 配上豆卜够腍, 肉亦松软, 加少少油炸鬼脆脆地, 非常好味, 呢道肉骨茶绝对系必
用串爆名义留定枱, 吹鸡同肥邓早少少到左门口, 已经见人山人海, 但店内真系有张四人枱预留了, 等埋串爆先至行入去, 坐底一阵大声亦出现了; 既然人齐了当然要落单, 一口气就柯打左巴东羊肉, 马来沙爹杂锦, 福建炒面, 油松饼, 薯仔薄饼, 当然唔少得肉骨茶啦, 四个人拣左个细!
落完单等左一阵, 首先登场就系串爆最心仪嘅肉骨茶, 虽然系拣左细的肉骨茶, 但经侍应细心分赃后, 份量就刚好足够四个人, 店方好明显系惊四大内讧, 所以摆定条友喺度啦! 先试肉骨茶, 讲真肉骨茶点样先叫好, 真系唔多识, 不过呢碗肉骨茶就确实讨好, 皆因汤够清味道甜, 而药味都几浓但又唔会好似碗药咁, 有药香而冇药味 洽到好处来形容就最贴切不过; 配上豆卜够腍, 肉亦松软, 加少少油炸鬼脆脆地, 非常好味, 呢道肉骨茶绝对系必食之选!
边吃肉骨茶, 其他嘅食物亦相继登场, 沙爹杂锦讲到好似好多, 其实就净系有鸡肉同牛肉, 仲要系每样两串, 结果四条友一人一串, 所以就拣左鸡串, 鸡肉外层烧得香脆, 而肉身就好滑, 加上沙爹香而不辣, 都几惹味; 福建炒面卖相就油少少, 不过入口一啲都唔油, 反而咸少少, 而炒面配料本身有虾, 鱼片等做配料, 面身弹牙, 可以一试但并非必食之选!
最后巴东羊肉嘅羊肉非常之腍身, 可惜酥味欠奉, 如果能再酥少少, 相信会更加吸引, 至于巴东汁够香带微辣, 所以非常惹味, 连同油松饼一齐食, 堪称绝配; 加上油松饼松软唔油, 所以真系好正; 就算薯仔薄饼亦甚有水准, 薯仔蓉唔太干身, 加上薯味香浓, 掂呀!
总括黎讲食物水准真的不俗, 地方就逼少少, 不过都算几清洁, 服务亦十分友善, 四条友埋单三七二, 一人都唔使一旧, 咁嘅水准, 绝对抵食! 串爆拣呢一间咁出名嘅食店真系非常稳阵, 一黎可以安抚下肥邓, 大声同吹鸡, 二黎又可以满足一己私欲, 一石二鸟, 果然高招! 是次黑食会之抢庄非常成功, 所以笑脸系值得一比, 有机会一定会再黎, 顺便同靓仔南打个招呼!
张贴
