影片
更多
2017-04-03
568 浏览
不经不觉黑食会已经踏入第六个年头，亦由当年四人增加至五人，有肥邓、寸爆、吹鸡、大声同新加盟嘅飞机（其实飞机都差不多加盟两年了）。虽然有一段时间冇写食评，但绝对冇放弃食野，咁啱喺网上见到呢间食店，好似好吸引咁，细问各位大佬亦一致通过要黎会一会，于是择定良晨吉日，食餐劲。先睇下个餐牌有咩野食先：1.前菜(可无限追加) ~芝麻手撕鸡粉皮 秘制麻辣木耳2.主菜 (2-4人可选1款锅, 5人或以上可选2款锅)龙飞凤舞(南瓜海虾鸡锅)雪山飞狐(鲜淮山龙趸锅)火焰醉鹅(每位加＄20)皮蛋芫茜汤锅/清汤水果锅3.活龙虾海鲜时令拼盘 (6-8款)活龙虾 沙巴龙趸 原只带子 脆肉鲩鱼腩 生蚝 蕃薯蚬 钻石蚬 鱿鱼 海虾 圣子4.肉类 ~ 本地手切牛颈脊5.栗子全肉饺，黑松露芝士粟米饺6.田园有机蔬菜，虾胶酿鲜冬菇7.鸳鸯角虾滑，鬼马油条 8.手工即炸响铃卷拼手工即炸鱼皮9.无限追加精选火锅配料10.无限追加所有无酒精饮品11.甜品 (位上)净系睇个餐牌都够吸引，当日迟左少少先到，去到几位大佬已经叫左汤底，由于四位可以有一个汤底，五位可以有两个汤底，所以当日有两个汤底。两个汤底分别系龙飞凤舞(南瓜海虾鸡锅)
先睇下个餐牌有咩野食先：
1.前菜(可无限追加) ~芝麻手撕鸡粉皮 秘制麻辣木耳
2.主菜 (2-4人可选1款锅, 5人或以上可选2款锅)
龙飞凤舞(南瓜海虾鸡锅)
雪山飞狐(鲜淮山龙趸锅)
火焰醉鹅(每位加＄20)
皮蛋芫茜汤锅/清汤水果锅
3.活龙虾海鲜时令拼盘 (6-8款)
活龙虾 沙巴龙趸 原只带子 脆肉鲩鱼腩
生蚝 蕃薯蚬 钻石蚬 鱿鱼 海虾 圣子
4.肉类 ~ 本地手切牛颈脊
5.栗子全肉饺，黑松露芝士粟米饺
6.田园有机蔬菜，虾胶酿鲜冬菇
7.鸳鸯角虾滑，鬼马油条
8.手工即炸响铃卷拼手工即炸鱼皮
9.无限追加精选火锅配料
10.无限追加所有无酒精饮品
11.甜品 (位上)
净系睇个餐牌都够吸引，当日迟左少少先到，去到几位大佬已经叫左汤底，由于四位可以有一个汤底，五位可以有两个汤底，所以当日有两个汤底。两个汤底分别系龙飞凤舞(南瓜海虾鸡锅)同埋雪山飞狐(鲜淮山龙趸锅)。听闻个火焰醉鹅好出位，但点解冇叫到嘅，原来每位要加二十，咁五个要加一旧，又似乎唔太抵，所以打消呢个念头，试左两个普通嘅汤底先，睇下到底系点先！
龙飞凤舞汤底鲜甜足料，忍唔住一饮再饮。至于雪山飞狐就冇试过，不过相信也不太差，皆因几位大佬也没有投诉。之后再试下佢两款可无限追家嘅前菜，芝麻手撕鸡粉皮 味道几好，芝麻够香，而鸡丝肉身亦算松软，唯独粉皮唔够滑，亦比较硬，令整体算失色少少。秘制麻辣木耳味道香辣，木耳爽口，口感一流，呢款小食绝对值得一试。
再讲下个活龙虾海鲜时令拼盘先，当佢放到上枱面时，真系吓一跳，因为卖相非常之靓，好吸引。当晩有活龙虾、鲍鱼，带子、生蚝、海虾、鱼片（应该系沙巴龙趸）同蚬。其中以龙虾同鲍鱼较为出色之外，其他也是中规中举。
本地手切牛颈脊也必食之选，肉身又薄又香，有牛肉味，真系拖两下就食得，不错。至于其他食物也算不俗，不再逐一讨论！
总括而言食物质素不俗，除指定款式外，其他食物更可无限追加，服务态度亲切一流，带给人友善嘅感觉。价钱都合理，正价时段278加一，埋单每位300到，又海鲜又边炉，都算抵。其实食乜有时真系咩所谓，最重要系同咩人，是日黑食会之海鲜边炉夜堪称完满，边食边笑，期待下次再聚！
张贴
