影片
更多
2018-09-17
2267 浏览
諗諗下都有好一段長時間冇同黑食會寫番個食評，今日興之所至，決定寫番一篇食評紀念一下啦! 話說早一排肥鄧試過呢間食店之後，強烈推介同黑食會一齊分享，呢位大佬都算唔話得，唔會獨食，但點解會嚟呢一間食呢? 最主要係因為呢度有一道菜係食瀨尿蝦但唔使自己剝殼嘅，其實一聽到呢度咁多位大佬即刻舉手話要去食，擇完良辰吉日後肥鄧，飛機，大聲，串爆同吹雞五位大佬一齊去會一會佢。去到食店都幾多人下，見唔到啲大佬咪唯有响朵，一响朵就即刻知道啲大佬坐左喺邊，都咪話唔架勢。去到見到肥鄧同串爆，之後飛機大聲亦相繼蒲頭。人齊就一口氣落單，每位大佬各自點了至少一款，排名不分先後，分別有椒鹽茄子，椒鹽去殼瀨尿蝦 ，炸豬手，蝦子柚皮，霸王雞，茶樹菇燉雞湯，香煎蓮藕餅，本來仲柯打左味菜炒鵝腸，可惜鵝腸售罄，即刻轉戰要咗個啫啫雞雜煲。係等嘅過程當中咁多位大佬當然要啤啤佢啦，邊飲邊吹邊等，說時遲那時快，小菜逐一登場。先講椒鹽茄子，椒鹽非常香口，而茄子亦炸得好脆，加上絕不油膩，呢個作為前菜又真係十分出色，送啤酒一流。之後主角登場，當然係萬眾期待嘅椒鹽去殼瀨尿蝦，瀨尿蝦本身唔算非常大隻，正常嘥屎，入口發覺十分鮮味，而且椒鹽非常香口惹
去到食店都幾多人下，見唔到啲大佬咪唯有响朵，一响朵就即刻知道啲大佬坐左喺邊，都咪話唔架勢。去到見到肥鄧同串爆，之後飛機大聲亦相繼蒲頭。人齊就一口氣落單，每位大佬各自點了至少一款，排名不分先後，分別有椒鹽茄子，椒鹽去殼瀨尿蝦 ，炸豬手，蝦子柚皮，霸王雞，茶樹菇燉雞湯，香煎蓮藕餅，本來仲柯打左味菜炒鵝腸，可惜鵝腸售罄，即刻轉戰要咗個啫啫雞雜煲。
係等嘅過程當中咁多位大佬當然要啤啤佢啦，邊飲邊吹邊等，說時遲那時快，小菜逐一登場。先講椒鹽茄子，椒鹽非常香口，而茄子亦炸得好脆，加上絕不油膩，呢個作為前菜又真係十分出色，送啤酒一流。之後主角登場，當然係萬眾期待嘅椒鹽去殼瀨尿蝦，瀨尿蝦本身唔算非常大隻，正常嘥屎，入口發覺十分鮮味，而且椒鹽非常香口惹味，啖啖肉唔使剝殼嘅食法已經夠爽，一碟仲應該有九至十隻，就算一人一碟都可能唔夠皮，肥鄧果然冇介紹錯。
豬手都炸得幾香脆，肉質鬆軟，但略嫌乾身咗少少，坦白講坊間有更多整豬手比呢間食店更出色，如果並非對豬手有仇，真的可以不試。至於柚皮又係一種令人覺得好得嘅食物，柚皮炆得好腍，而佢本身亦都冇澀味亦冇異味，不過唯獨有少少渣，如果冇渣會仲正，不過今時今日整得到柚皮好食嘅地方，已經係買少見少，所以呢度有得食要加分。
霸王雞同出面食嘅霸王雞亦都分別唔大，不過雞肉新鮮嫩滑，絕對唔韌口，所以都可以嘅。而個燉湯 係吹雞點名要飲嘅，可能呢期湯水少啦，個人比較dry，但估唔到個燉湯非常足料， 茶樹菇燉雞隻雞足足有半隻，而湯入口清甜香濃，非常好味，一盅湯可以分到五大碗，性價比超高，! 至於呢個香煎蓮藕餅煎得非常香脆，送飯簡直一流，就算空口食亦不會太鹹，味道不會太濃，絕對值得一試。
最後就係呢一個由味菜炒鵝腸變為啫啫雞雜煲，真係估佢唔到，啫啫雞雜煲登場時係用一個熱辣辣嘅吉煲，再喺你面前放下一大堆雞雜落去， 再兜亂佢 ，嗰種香口嗰種熱辣辣嘅食法，諗起都仲想再食呀，雞雜真係乜都有，有雞潤，雞心，雞腎，總言之每樣嘢都非常好食，呢道菜絕對係必食推介。
總括嚟講食物質素非常之出色，價錢亦都十分相宜，食咗咁多嘢，飲咗至少五支大啤，埋單每人都係講緊230一位，環境都叫清潔乾淨，地道feel，至於店員亦非常有禮貌，服務都算幾好，真心唔錯。呢間食店絕對值得推介俾大家，其實有機會都會再黎，要再返啅其他食物，呢間食店應該唔只咁少料。黑食會之瀨尿蝦之夜完滿結束，再次感謝各位大佬，特別鳴謝肥鄧超強推介。
椒鹽茄子
62 浏览
1 赞好
0 留言
椒鹽去殼瀨尿蝦
215 浏览
1 赞好
0 留言
炸豬手
65 浏览
0 赞好
0 留言
蝦子柚皮
49 浏览
0 赞好
0 留言
霸王雞
54 浏览
0 赞好
0 留言
茶樹菇燉雞湯
47 浏览
0 赞好
0 留言
41 浏览
0 赞好
0 留言
香煎蓮藕餅
46 浏览
0 赞好
0 留言
啫啫雞雜煲
60 浏览
0 赞好
0 留言
张贴
