影片
更多
2011-11-23
58 浏览
离开左潮洲顺后, 肥邓, 串爆, 大声同吹鸡四人就沿路揾野食, 其间喺街上见到好鬼大只老鼠, 四围出没, 完全唔惊人的, 亦都间接带出九龙城呢一区嘅环境系比较污漕的! 正当游街时吹鸡忽然提出去城寨风味净系食左乳猪, 可惜和议声唔多; 之后吹鸡又提议去食牛肉饼, 呢一次就一至和议; 黎得大声呢一区, 又冇咩理由唔黎呢间食店, 于是黑食会之突袭亦正式展开!虽然黑食会里每一个办事人都一定黎过呢间食店, 但一齐黎就肯定未试过, 于是肥邓就话去新店唔去旧店, 主要原因系坐得舒服啲! 入到去食店, 人唔算多, 坐底后大定就商议下有咩好食, 基本上牛肉饼食必食, 但为免太济, 所以只柯打了两件牛肉饼, 再加多一客牛肉锅贴和羊肉锅贴! 落完单后, 伙计行埋黎话呢张单未达最低消费的要求, 未加单前张单都已经八十几蚊, 而最低消费系要每人廿四蚊, 呢间食店都要搅最低消费, 真系相当串咀; 于是大声就简简单单柯打左凉伴鸡丝海浙! 正所谓迟黎先上岸, 所以第一道登场的就系凉伴鸡丝海浙, 凉伴鸡丝海浙嘅卖相都几精盈, 入口发觉清新爽口, 皆因海浙系非常爽身, 劲有咬口, 绝对唔韧, 配上青瓜新鲜清爽, 而鸡丝嘅
虽然黑食会里每一个办事人都一定黎过呢间食店, 但一齐黎就肯定未试过, 于是肥邓就话去新店唔去旧店, 主要原因系坐得舒服啲! 入到去食店, 人唔算多, 坐底后大定就商议下有咩好食, 基本上牛肉饼食必食, 但为免太济, 所以只柯打了两件牛肉饼, 再加多一客牛肉锅贴和羊肉锅贴!
落完单后, 伙计行埋黎话呢张单未达最低消费的要求, 未加单前张单都已经八十几蚊, 而最低消费系要每人廿四蚊, 呢间食店都要搅最低消费, 真系相当串咀; 于是大声就简简单单柯打左凉伴鸡丝海浙!
正所谓迟黎先上岸, 所以第一道登场的就系凉伴鸡丝海浙, 凉伴鸡丝海浙嘅卖相都几精盈, 入口发觉清新爽口, 皆因海浙系非常爽身, 劲有咬口, 绝对唔韧, 配上青瓜新鲜清爽, 而鸡丝嘅肉质非常松身, 真系几正; 话都冇咁快就已经清晒成碟, 不过食店并冇因此而停落黎, 而系将牛肉饼同锅贴都放埋上枱了!
两件牛肉饼四个人分, 一人有半件, 但店方强调唔会帮手剪开, 其实都可以理解, 皆因牛肉饼里面系满满的汤汁, 剪开后汤汁就如缺堤般浸出碟里, 不过为著可以分甘同味, 㓥开牛肉饼嘅任务就由背份较高嘅肥邓执行! 呢间食店嘅牛肉饼真系有一手, 牛肉饼嘅饼皮香香脆脆, 一啲都唔韧; 而肉汁亦劲多, 绝不干身, 加上肉身松软香浓, 真系食多两件都唔太腻, 绝对系必食之选!
至于牛肉锅贴和羊肉锅贴, 每碟都有五件, 牛肉锅贴就系一件好普普同冇惊喜的食物, 唔算好好食, 但绝不是难食, 锅贴系煎得好香脆, 而外皮绝对唔韧, 但肉身唔香, 所以一般; 相反地羊肉锅贴嘅馅料够酥香, 汤汁亦够, 直头系欲罢不能, 如果本身嗜羊的, 咁羊肉锅贴系绝对必食!
总括黎讲食物水准不俗, 服务亦算友善, 环境光猛坐得较旧店舒服, 而价钱都可以啦, 未加单前系八十几, 埋单时竟然系一百四十五元正, 细看之下发现凉伴鸡丝海浙竟然要成六十八蚊, 呢道菜相对地贵, 不过都接及到! 突袭完清真寺后, 每个人都已经非常之饱, 但黑食会当然并未因此而结束啦, 下一站将会系大声嘅至爱 – 甜品! 是次笑脸值得一比, 有机会都会再黎!
张贴
