Subway (已結業)

离开左阳光与海滩嘅沙巴, 黑食会当然唔会就咁散场啦, 而下一站就锁定左呢间食店, 最主要原因系串爆从来都未黎过, 为左令串爆系2011年有个丰盛嘅人生, 肥邓, 大声同吹鸡决定成人之美!一街之隔就黎到呢间食店, 入到店内当然唔多人, 皆因时间都接近晚上九点, 坐底后就睇等串爆揸旗, 只见串爆拣左好耐, 最后就拣左意大利经典同火鸡火腿烟肉芝士堡, 而款都拣左六吋潜艇堡, 每个包都配上曲奇和汽水!当串爆攞到埋枱时亦系分赃嘅时候, 呢一刻梗系要比串爆拣先啦, 不过串爆, 肥邓同大声拣咩已经唔记得, 只知吹鸡拣左意大利经典; 一攞上手发觉, 包身暖暖地, 放入口发觉包身劲松软, 而酱汁亦多, 啱晒胃口, 而馅料配上蕃茄, 酸瓜, 同火腿等, 蕃茄新鲜甜美, 酸瓜酸中带少少甜, 劲惹味, 整个意大利经典真系绝对经典, 冇得顶, 食得𠮶三吋好似少左啲咁! 总括黎讲食物质素维持一贯的高水准, 服务有礼, 环境舒服干净, 而价钱就唔记得, 皆因好似系串爆做东, 既然唔使钱当然系超抵食啦, 不过就算要比钱, 仍然系抵食! 是次笑脸当然值得一比, 有机会当然要再黎, 而黑食会之还串心愿亦总算完满结束,