易牙台式料理

营业中

休息中

16/10/2024放午饭时间一个人去咗易牙食,平时每星期都有去支持，但当日食饭食得好唔开心☹️同好嬲🤬 当日有一个黑发扎马尾大婶侍应带我入去全餐厅最入面个位，都冇所谓反正食完就走。佢要求我坐埋面，个位太窄我稍为将枱移前咗少少，佢就要求我必须个椅背要移返后，顶住个屏风，佢话如果唔系个屏风就会跌落嚟，我话呢度冇警告话个屏风会跌落嚟，如果危险就唔好安排人坐，佢唔理走咗，只系不停返转头要我张椅顶住屏风，话唔比移前㖞，而家系咪坐监呀？到我要求要辣椒油，第一次佢「笔」得太少，我请佢再比多少少我，佢话要收2蚊，话每一人只可以要一次辣椒油，叫我下次食喇沙，我话餐牌无写、餐厅亦冇贴住话要另收费先有辣椒油㖞，佢又走开咗，我唔食喇沙，食乜都要佢管呀，佢乜水呀！到我比钱𠮶时见到老板娘，我向佢投诉，原来所有嘢都系大婶侍应老吹，唔好比我讲中，佢系因为懒唔想再去「笔」辣椒油先至话要收费！咁懒就返屋企唔好做啦！真系唔怪得越嚟越多人北上消费，就俾比呢啲人板侍应搞砸晒！我写返我既经历系想避免有立心不良人士滥收费、避免有我既经历。食得好唔开心及要受气就唔好再去帮衬。