Black As Chocolate (已結業)

久闻台湾过江龙Black as Chocolate大名，据闻同新加坡Awfully Chocolate类似都系主打朱古力蛋糕。是夜喺九龙城食饭终于可以顺便买个朱古力蛋糕试吓。除咗原本六吋蛋糕外，最近新增迷你版两吋蛋糕。迷你版蛋糕好精致，的的骰骰一人一个刚刚好。两吋蛋糕大约五十蚊一个，价钱绝对唔平，仲要冇堂食，只可外买攞走。不过既然都想食好耐，豪就豪一次咁多啦！两吋蛋糕只有黑嘉仑草莓同榛果味，结果每样买一个。榛果味上面洒上薄脆，切开蛋糕一层朱古力蛋糕一层朱古力酱相间，海绵蛋糕轻软有弹性朱古力味香浓少甜，再加上朱古力酱每一啖入口都多重享受，难抵黑魔魅力。黑嘉仑草莓味就喺原本朱古力味外添加咗桨果清新口味。有机会都想试吓其他味道如香蕉朱古力同原味朱古力。