影片
更多
2018-11-22
175 浏览
知道有呢间餐厅系因为见到朋友个ig，见佢d 雪糕好靓，成日心思思想试，终于约到人！如果无记错今次应该系我第一次去尖沙咀o既楼上cafe，一上到去，先有两只猫猫摊o系门口个放棋类o既柜度，任摸唔嬲！同埋我地好好好彩佢地紧接张台未有人坐，所以可以全程以猫猫为伴～先叫个头盘，朋友提议试松子仁有机番茄豆腐沙律($108 未加一)。d 番茄又的确几新鲜juicy，胡麻酱豆腐甜甜的好让人开胃，细细粒o既松子仁则声称有降血脂等o既功效，实属健康之选。至于小食芝士猪肉酿鸡翼($88) 就系我话要叫o既，因为我对佢好有兴趣，点样可以鸡翼里面再酿d o野呢？呢个都几特别，值得一试，鸡翼外表本身蜜味甘香再沈上芝士粉，中翼部份内里已经起o左骨，再酿入猪肉，肉质仍然滑嫩，一啖可有多种口感。除o左雪糕，相信厨师发板($188/位) 都系佢地招牌之一。听到呢个名，感觉总系好high class～真系成块板咁上，堆砌住各种食材与配菜，卖相好靓，仲预留o左位置帮你留下纪念message——无idea 的话厨师自然会帮你「拍」埋「板」。带子十分弹牙，再以牛油、柠檬汁同香草调味。虎虾肉质厚实，荣螺肉鲜甜爽口。海鲜类仲有烟三
先叫个头盘，朋友提议试松子仁有机番茄豆腐沙律($108 未加一)。d 番茄又的确几新鲜juicy，胡麻酱豆腐甜甜的好让人开胃，细细粒o既松子仁则声称有降血脂等o既功效，实属健康之选。
松子仁有机番茄豆腐沙律 ($108)
10 浏览
0 赞好
0 留言
至于小食芝士猪肉酿鸡翼($88) 就系我话要叫o既，因为我对佢好有兴趣，点样可以鸡翼里面再酿d o野呢？呢个都几特别，值得一试，鸡翼外表本身蜜味甘香再沈上芝士粉，中翼部份内里已经起o左骨，再酿入猪肉，肉质仍然滑嫩，一啖可有多种口感。
除o左雪糕，相信厨师发板($188/位) 都系佢地招牌之一。听到呢个名，感觉总系好high class～真系成块板咁上，堆砌住各种食材与配菜，卖相好靓，仲预留o左位置帮你留下纪念message——无idea 的话厨师自然会帮你「拍」埋「板」。
带子十分弹牙，再以牛油、柠檬汁同香草调味。虎虾肉质厚实，荣螺肉鲜甜爽口。海鲜类仲有烟三文鱼同蟹棒，一样咁正。热食有蒜片安格斯牛柳粒同黑鱼子鹅肝多士，牛肉有少少韧，但配埋蒜片味道仍然十分香口。
牛油柠檬煎带子刺身
43 浏览
0 赞好
0 留言
个鹅肝多士就真系超好食，入口即溶好松化，油脂o系口中蔓延o既感觉我到而家都仲回味紧……仲有一份烈酒煮布冧，可能比较后先食，酒精挥发o左唔少，酒味唔算好强，但都易入口。
黑鱼子鹅肝多士
12 浏览
0 赞好
0 留言
一早讲好要叫雪糕，但叫埋咁多o野食原来食落都几饱……一客怪兽雪糕$198，我见图系好大一份，但原来有得叫迷你版，只系需要$98！赶紧点番个。巧靓呀～多球雪糕有住各种唔同味道，仲配上威化雪糕筒同大大块怀旧波板糖，细路仔(即系我) o既至爱。
细怪兽雪糕 ($98)
12 浏览
0 赞好
0 留言
个雪糕有枝蜡烛，每台客上时都会熄灯，遇著生日仲会唱歌添～餐厅都几贴心，除o左呢d，仲送o左一张即影即有相俾我地添呀。
张贴
