紅蔥頭 (已結業)

日日落咁大雨，选择行街食饭既地方梗系商场好，早两日去左荷里活广场行街睇戏兼食饭，一入红葱头cafe，里面灯光超暗，好似好有情调咁，点左一个$228二人餐，有南瓜忌廉汤、芝麻酱沙律菜、黑松露忌廉汁烟三文鱼天使面、番茄奶油鲔鱼螺丝粉、即磨咖啡同榛子奶茶，汤好creamy 好香南瓜味，沙律普普通通不过芝麻酱都好多好好食，三文鱼天使麺份量唔多但舖面黑松露片算几多，捞均可以啖啖都食到有黑松露味道，番茄奶油鲔鱼螺丝粉麻麻地、螺丝粉较硬又少鲔鱼，即磨咖啡好香咖啡味、榛子奶茶好香甜滑，重榛子味。