陵發潮州白粥 (已結業)

呢间野好过瘾，名字叫白粥，但我谂无乜人喺度净系食白粥。佢嘅菜牌两版睇晒，少得惊人，不过舖位就有三个，仲未计阁楼𠮶度。今晚两个人嗌咗四样嘢：蚝饼、蚝仔粥、鹅片同埋手春菜排骨。蚝仔粥嗌咗$55最细𠮶只，两个人每人都有三碗仔，啲蚝新鲜兼肥美，啲方鱼好香。蚝饼啲蚝梗系同蚝仔粥一样新鲜肥美啦，佢呢个蚝饼系无薯粉同埋系炸嘅，盛惠$85。卤水鹅片唔太肥，几好，不过个卤水汁就一般啲，得个咸字，无乜香味，我地嗌咗最细嘅$140。最后就系春菜排骨，春菜同排骨嘅质素都好，而且春菜份量都多，兼且都几新鲜，唯一缺点就系咸，所以临尾要叫支可乐饮下先掂。