唐記包點 (已結業)

附近有间咁抵食既唐记真系好🤣，今晚买左啲点心同蒸饭做晚餐，方便又够平😝点心方面一律做紧$14，今次买左鲜竹卷、鹌鹑蛋烧卖同牛肉。鹌鹑蛋烧卖，猪肉馅调味几足，里面仲有几只鲜虾，所以几鲜味，加埋邪恶既鹌鹑蛋，估唔到味道唔错㖞。🤣鲜竹卷有三件，得得骰骰，中间有木耳、西芹、猪肉馅等，配上浓稠既酱汁。蒸饭仲会有每日特价既款式，都系讲紧$17一个饭，真心平。当日既特价优惠系豉椒排骨饭，排骨几入味唔系好肥，份量都足，而且仲有椰菜做配菜，食完好饱肚。当然唔少得K最爱既包包啦🤣黑麻蓉包黑芝麻味道超浓郁；糯米卷里面既腊味味道好香，糯米饭口感又烟韧，配搭软熟既包几好味。