薈軒 (已結業)

周末早上，都很喜欢同家人来荟轩饮茶，贪佢抵食，好食，嗌到成枱精致的点心都是200令蚊。早茶要11点45分埋单先计做早茶。所以要果断，否则当正价计就好贵！点心纸上的点心会定期更换，成日来食都唔会太闷。我们都中意食一啲唔太传统的点心，加埋几样系铁胆一定要嗌。我最中意食呢度的粥，无轮咩粥都好吃。首先够大碗，煲得好绵，够火喉，𩠌又多，个皮蛋瘦肉粥真系满口都系料！粥又有味道！食完一碗劲满足！另一至爱系雪山叉烧餐包。热辣辣出炉，个皮好香脆，入面虽然好似装满空气，胜在够LIGHT，加埋甜甜的叉烧包馅料，无得弹～就算连平平无奇的腐乳通菜都好正，我觉得个腐乳汁应该系加左料，无平时的腐乳咁咸，同通菜好夹～还有香麻绿茶饼，个样虽然唔太靓，但好好吃，唔会太甜，口感QQ的，仲有大量芝麻，香到爆～仲有烧味，真系种种烧味都做得好。特别烧肉，好有诚意，系脆皮的！肥瘦适中仲好JUICY!点心太多，不能尽录。早点起身过来饮下茶实在不错！另外，食满200元先可以碌卡。而免费泊车一定要电子消费，食满200就送一小时﹑300就送2小时. 所以我地次次都焗住食够200元。