舍 (已結業)

之前同朋友嚟过中午食点心，见佢有下午茶餐即刻带女朋友嚟试下。餐厅有海景，令人心旷神怡。疫情下有胶板隔住枱与枱之间。下午茶有好多嘢食，二人枱会放到好迫。可以试多几样点心，一人一嚿，啱晒多心嘅香港人。咸点比甜点出色，值得一试。包一杯花茶，当日无得拣，只有玫瑰花茶。花茶连埋一杯仔糖浆，不过不失。咸点有好多虾嘅成分，好彩佢都做得唔错。金鱼虾饺，份量足，皮唔会太厚。杂菇手袋，一咬开个脆酥皮就有好香菇菌味，要趁热食。唔跟menu，无咗蛋挞，变咗蛋散，但侍应无同我地讲过。中间花花虾春卷，不错粉红虾饺，同金鱼虾饺同味。三角饺味道杂乱，麻麻地。绿色流沙奶黄苹果，太甜。流心紫芋萝卜仔，好甜。中间燕窝马豆糕，蛋挞果pat燕窝转咗过黎，正常味。