霞小飛 (已結業)

好耐无食过小笼包，之前系尖沙咀多数都会谂起食鼎泰丰，食得多开始闷闷地。今晚去试下其他餐厅，依间餐厅系K11，一出K11地鐡站就到，好方便。晚市有二人、四人及六人套餐。今晚想食点心多D，所以选择散叫，可以试多D唔同嘅款式。热辣辣蒸起，小笼包顶部收口位皮较厚。皮够烟韧夹起唔易穿，内𥚃汤汁鲜甜。鸡丝份量多，粉皮烟韧口感不错，但花生酱太甜唔够香。煎饼皮系酥皮，煎得香脆，馅料只有葱粒，葱味十足。叉烧肉质够嫩，葱油面烟韧但味道偏咸，夹埋一齐食的话又甜又咸，味道麻麻。馄饨大大只，皮薄，菜肉馅料比例平均。