喜惶點心專門店

营业中

休息中

有个朋友约我食饭，带咗我嚟食呢间点心，食完之后觉得佢仲高质过酒楼点心。特别要推荐烧汁牛肉蝴蝶饼，必食！蝴蝶饼比较柔软夹住大旧过佢嘅烧汁牛肉超级夹，一淡一浓，牛肉鲜嫩，个汁好浓郁，觉得好好彩有嗌到呢个黎食。再讲下虫草花鱼肚鸡，鱼肚好大块，好入味而且新鲜爽口，滑鸡都算大旧，肉质都几滑，仲有啲虫草花调下味。芝士牛肉黄金包，相信系店铺既特色点心，标明全港首创我都无见过其他点心有，而且晚上6点后先会供应，所以就叫左黎试下。个包既外皮整得好松软，真系新奇又几好食，个涵料都好足，充满芝士同牛肉，牛肉嫩滑。酱皇金钱肚既酱汁整得好入味，金钱肚几爽口，份量亦都偏多，不妨一试。呢度价钱同份量合理，食物质素又高，会继续支持再黎食，仲要keep翻张单30日内再去食可享有9折。