皇室1號東九龍

营业中

休息中

今日星期日，过左两点钟少少先到，已经见到门口好多人等位，即刻拎飞等叫号。因为我地都唔介意搭枱，所以比较快能够入座。后来先知原来系因为晚上有婚宴，所以佢无开放偏厅房间，所以座位比较紧张。同样是下午茶时段，除左叫左少量点心，亦都试下点佢既肉丝煎面（无错，系「煎」面），意外地好食，特别系如果钟意食平时肉丝炒面喺侧面脆口既面饼，佢煎得岩岩好，唔会太焦太油。中间既面底同啲料一齐食又唔会太咸。而家喺出面茶餐厅午餐食个炒粉面饭都系差唔多既价钱（30尾到40头），而肉丝炒面亦都唔系好多间餐厅煮得好食，一系就太湿，太咸，或者太干，分布得唔平均。但呢间酒楼既价钱虽然稍贵，但系个质素系值得。至于其他点心，同肉丝煎面相比就有少少失色，质素都比较参差。特别系香芒糯米卷，入面系完全无味（用啫哩粉开水都比佢有味道），鲜虾菜苗饺亦都退步左少少，唔知点解会加左啲姜喺入面，同菜苗味道好唔夹。至于虾饺都系真材实料，大大粒既虾肉喺入面。整体黎讲，今餐都算系唔错，大家下次去酒楼不妨都可以试下点佢既炒粉面饭，话唔定会有惊喜！