豪宴薈

营业中

休息中

食完个蛇羹，跟住来跟屋企人过嚟饮茶。基本上因为佢就脚，好多时候都会嚟呢度食晚饭。但系都系觉得佢下午茶点心系出色过晚饭嘅。烧腩仔都几够脆，不过有少少咸，但系都好过我早几晚系大角咀食万发真系食肥膏。个鱿鱼须都比起大角咀𠮶间做得好起码佢有椒盐先真系椒盐鲜鱿。韭菜饺同埋叉烧酥啲馅都执得满满嘅，尤其是个叉烧酥唔系一啲碎碎嘅叉烧，反而有一片片嘅叉烧肉口感唔错。鲮鱼肉都打得好弹牙。个腊肠卷都唔会太肥，咸鱼肉饼同早几日喺型点食个牛肉饼饭真系好食好多。另外试咗屋企人个甜品一啖，炖奶唔太甜都几好味。唯独四个钟表现比较差，个粥底好似沟咗水咁样，稀冷冷的。都系𠮶句建议喺呢度都系食点心多过食晚餐。