彩福皇宴 (已結業)

老公要去铜锣湾做啲嘢 ，顺便去铜锣湾度食lunch，同我讲话好耐冇喺铜锣湾饮茶啦，不如去揾间坐下啦，于是乎咪上openrice度睇下边间，见到依间酒楼好多个like㖞，一于去试下啦，唔好咪冇下次啰。酒楼环境不错，感觉干净企理。叫左一个汤面，几种点心，意想不到的好味，寻回儿时同爸爸成日去酒楼叹茶的味道呀！每样点心都唔太咸，味道好好，点心师傅手势值得一赞。特别最欣赏嘅系𠮶碟竹笙高汤鲜竹卷，个汤非常好味，甘香清甜，老公赞不绝口。终于揾到间似样嘅酒楼啦，下次要试下晚饭先。