百樂門宴會廳 (已結業)

今日下午我们去咗九龙湾Mega Box嘅「百乐门宴会厅」饮下午茶！我们叫咗凤凰蒸米鸡、雪山叉烧包、精美点心拼盘、豉味蒸凤爪、烧鹅濑粉同贵妃浸鱼云！凤凰蒸米鸡嘅表面煎得好金黄香脆，糯米亦非常烟韧，层次感十足！雪山叉烧包焗得表面好香脆，叉烧嘅味道好香甜，包质亦好松软！精美点心拼盘入面有五款点心，虾饺嘅饺皮好烟烟韧韧，虾肉好爽甜弹牙！烧卖嘅虾肉都系好爽甜弹牙，猪肉嘅肉质亦好爽滑多汁！菜苗饺嘅饺皮好晶莹剔透，馅料亦好惹味！千层糕都几香甜松软！豉味蒸凤爪炆得好腍好入味，酱汁嘅味道唔会好咸！烧鹅濑粉嘅烧鹅皮烧得好香脆，肉质好软滑，肉味好香浓！贵妃浸鱼云嘅鱼云相当新鲜，肉质非常嫩滑，味道好鲜甜！