王家沙．花樣年華 (黃埔天地享膳坊)

营业中

休息中

一行七人老老少少是日来王家沙提早做瑞午节,住黄埔几十年来王家沙帮衬过不下十次,唯有这次起心动念写一下食评,这晚星期日,book著七点,来到门口先知原来唔使等位,望下个场坐满七、八成,谂起以前开系美食坊𠮶阵,已经系曾经辉煌,坐落来睇下个餐牌,😳哇,贵到!个人觉得贵唔系问题,但贵要贵得物有所值咯。醉鸡98元,系ok嘅,但总觉得酒味冇以前咁浓了,上海熏鱼,已不是以前那种正宗的熏鱼,反而好似糖醋鱼块。回锅肉,完全冇味嘅?!鳝糊算正常,上海粗炒又系咁!冇味。好彩点心一如既往咁样,小笼包皮簿汁多👍👍咸葱饼系我最爱,葱味香脆,每次来必叫,小朋友就最爱炸曼头,点炼奶好好味。不知为何近年王家沙冇哂声息,个人认为食物质素是一个品牌餐厅最重要的口碑,而食物价格更要同食物质素成比。毕竟现在京川沪菜舖天盖地,竞争大,唔keep住个口碑,就输了。