鳳城1954 (MegaBox)

营业中

休息中

由于Megabox嘅位置问题，我都比较少去呢度饮茶，所以都有一段时间冇嚟凤城，但呢度嘅点心的确唔错。呢度嘅点心精致，出面又真系唔多食到。见到有虾多士，纵使唔系好想食热气嘢，都忍唔住叫嚟食，果然冇令人失望，炸得好香脆好好味。而红宝石素饺嘅馅料虽然只系一般素饺，味道冇乜特别，但外型就做到好似番茄咁，好靓，即时增加咗食欲。至于凤城水饺系能够保持一贯水准，炒饭亦都炒得唔错，够干身，除咗有叉烧粒同虾仁，亦有番茄粒，减少咗炒饭本身嘅饱滞感。整体令人满意嘅一餐。