點‧粵 (已結業)

原来最近澳南果头开左间新既中式餐厅，主要都系食点心为主，见到都几多人食就谂住试下佢。 点粤生辉虾虾虾饺 $48.8 一笼有4只，虾饺既皮好薄，虾既份量都几足，而且佢既虾味好浓，口感弹牙，比一般出边既高质。 羊肚菌烧卖皇后 $48.8 呢个烧卖皮唔系平身见开既黄色烧卖皮，而系绿色既，反而个味道几特别，再加上羊肚菌既香味混合一齐，十分有特色。 滑嘟嘟牛肉肠粉 $38.8 呢道真系好似佢个名咁滑嘟嘟，佢地既肠粉皮非常滑溜，牛肉馅料都好饱满，加埋豉油，每啖都好滋味。 点粤Q弹雪梨角 $38.8 炸雪梨真系好少见，呢个雪梨角食落烟韧得黎又会保留返雪梨既水份同清甜，中和左油炸既腻感，非常特别。 点粤小三 $68.8 呢个小三有三款，分别系炸虾角，芋角同带子饺。炸虾角同芋角都炸得几香脆，食完唔会成口油。带子饺鲜甜嫩滑，上面铺满厚厚既带子，每一啖都食到带子既鲜甜味。