玉桃軒酒家 (利舞臺廣場)

营业中

休息中

环境4分：中式酒楼格局但装修有婚宴feel，好光猛，楼底够高，人多都唔太嘈，可以畀四分。卫生4分：见到啲碗碗碟碟都几干净，有独立透明包装牙签更为卫生，四分。服务4分：侍应落单快，上菜仲快，清理啲污漕碗碟都唔慢，又几好礼貌，都系四分。 味道4分：1)      汤河同汤濑最快到，汤底一样清清地，两只粉都好滑吓。2)      跟汤河另上碟叉烧好松又软，好食过跑马地间名店多多声。3)      跟汤濑另上碟烧鹅皮够脆同薄，Ｄ胸肉又唔un，正过中环名牌Ｘ记Ｎ倍。4)      鸡丝粉卷唔油又够味。5)      节瓜饺入面有粉丝，节瓜，木耳，等等，脆脆地。6)      四色点心拼盘呢就最抵，两个人食有齐最大路Ｄ虾饺同烧卖，好睇又好味，份量刚刚好。抵食4分：饮茶嚟讲环境同卫生都算好，中午放食饭时段竟然有多款20蚊选择嘅点心，确系超值。