生煎包點心專門店

营业中

休息中

星期六晚上6点，天气冻冻地，2个人去街坊食店想食煲仔饭，去到等几分钟就有台，呢度冇装潢，要叠台，但有街坊人情味，伙记吾得闲熟客就自己自动波写筹取筹，伙记吾多但密密加水及收碟，点心声称即叫即做，而且份量超大劲多。我地叫左个油鸭脾滑鸡煲仔饭，真系有惊喜，香味扑鼻，初初担心油鸭脾会只得肥羔冇乜肉，点知都几有良心，有鸭脾油香，又有鸭肉食，滑鸡的确好嫩滑，除左D𩠌多到铺满晒饭面外，饭软熟甘香，有一层薄薄饭焦，脆卜卜，稍为用小小力便轻易把饭焦捌出，不会浪费米饭，而且份量足够2人用。$5O超扺食。见到人地D点心超大件份量多，贪心叫了几个特别点心。藕饼有3大件，新鲜炸起，食到原粒莲藕。鲮鱼球不是腥蒸，是即炸起，很惹味完全冇鱼腥味，咬开有新鲜葱粒，仲有6粒咁多。咸水角，伙记细心剪开才端上台，热到放低左几分钟后仲见有蒸气冒出。2人食1食煲仔饭加3个点心连茶钱，都系$107.今时今日香港地，有这街坊小店，这个天气不太冷。