嚐囍煲仔小菜

营业中

休息中

本来打算去另一间饮茶，不过排长龙，于是立即转阵行一个街口来呢一间，虽然呢一间点心款式少啲，不过胜在装修靓啲好坐啲，另外点心质素都唔错嘅。我哋叫咗以下嘅点心：一笼有三粒嘅鹌鹑蛋烧卖出面唔系好多地方食得到，鹌鹑蛋同埋猪肉都好新鲜，似乎系自家制点心。鲜虾腐皮卷入面啲虾胶新鲜弹牙，外面腐皮好脆，几香口几好食。流沙千层糕又唔会太滞㖞，一笼四件，个咸蛋黄流沙做得几香，都系好好食。黄金炸鲜奶上枱热辣辣，炸皮好薄好脆，入面嘅鲜奶又香又滑，印象中出面好少地方食得到炸鲜奶。香煎韭菜粿超多韭菜，啲韭菜好新鲜好香，虽然系煎嘅，但系比想像中唔算好油腻，同埋个韭菜粿经镬煎一煎特别香口。估唔到呢一间舖头嘅蜜味叉烧肠会用一啲咁高质素嘅叉烧，食得出入面系叉烧粒而唔系叉烧酱沟啲肉，掂。