王子飯店

营业中

休息中

疫情下想揾个阔落、干净嘅地方饮茶，于是决定黎有落地大玻璃、阳光充足嘅王子饭店🥰前菜先叫左四川拆骨猪手先讲拆骨猪手好适合我依类懒人😂猪手弹牙入味，四川辣汁唔会太辣，非常惹味，强烈推荐比钟意食猪手嘅朋友！天下第一包见到每个食评都必赞嘅包，卖相似普通叉烧餐包，但食落有惊喜！包体比较薄但十分软熟，叉烧内馅唔系一大旧肥猪肉，系包入半肥瘦叉烧，而且亦唔会好似其他餐厅咁食落成口都系甜叉烧酱，调味简单唔会过甜，好食到忍唔住再encore多碟😋鲍鱼汁炆鸡脚鸡脚炆得又冧又入味，鲍鱼汁都比想像中浓郁。小笼包小笼包皮薄汤汁多，个人觉得肉馅可以份量多少少。P.S. 一笼有四粒，食左一粒先记得影🙈烧卖十分足料嘅烧卖！多到啖啖都食到冬菇，好香🥰春风得意肠薄薄肠粉包住香脆足料春卷，春卷系即炸所以上枱后依然又热又脆，钟意「香口野」嘅朋友一定要试下！整体食物、环境、服务都高水准，枱与枱之间距离宽敞，想必将会成为我家常去茶楼之一。