東方(勝記)飯店

营业中

休息中

今晚喺元朗宵夜试吓饮夜茶，因为经过一间旧式点心小店好似味道唔错咁样于是就走入去帮衬，由于始终系宵夜所以又唔可以食得太多野，两个人只系叫咗四样点心真系非常之有节制，呢四样点心分别系佢嘅招牌虾饺、鹌鹑蛋烧卖、怀旧糯米卷同埋芋头鸭脚扎。四样嘢之中招牌虾饺味道最好，真正做到鄙薄馅靓，入面只虾肉质非常新鲜又弹牙，果然系招牌。糯米卷系旧式𠮶只size比较大少少嘅，卷皮厚薄适中，佢同糯米嘅比例啱啱好。鹌鹑蛋烧卖感觉上味道淡咗少少，不过味道都ok的。芋头鸭脚札就只属一般水准，可能系只鸭脚比较瘦弱啦，不过好彩件芋头都够粉。