吉吉點 (已結業)

老友话带我去饮茶，我问佢去边间酒楼，佢答我去佢就知㖞。行下行下，佢话到左，我话咪玩㖞，边有茶楼呀，佢指住条巷仔话里面就系，我心谂咁隔摄边会有好野先。个人比较钟意食肠粉，老友介绍我呢个布拉肠粉，呢份肠粉系无馅，心谂应该无咩特别，肠粉质地够薄，但系颇挺身，几有口感，肠粉身够滑，但唔系靠油所以滑，本身系几干身，所以肠粉味道系由自本身质地而非酱料。肠粉食完无馅就食有馅既，呢份系牛肉肠，肠粉皮够薄够嫩，牛肉馅就好饱满，仲有葱粒系里面份外香滑，至于牛肉就仅熟，免治牛令肠粉更滑。至于虾饺皇都系几有皇既味道，因为虾肉馅够饱满，而饺皮就系好烟un既口感。最后食埋甜品，系紫薯酥黎架，酥皮够脆薄又好有油香，而酥皮一块块好薄咁包住紫薯馅，馅就唔会劲甜，趁热食系几鬼正，不过好饱肚食唔到好多旧。呢间本土小店俾到惊喜我，饮茶唔一定要酒楼既。