得閒飲茶

营业中

休息中

听闻得闲饮茶呢间餐厅既点心好有水准，所以今日嚟试下。虾饺之王虾饺大大粒，皮薄馅靓，入面既虾好鲜甜弹牙，果然唔错👍潮州粉果粉果既皮烟烟韧韧，夹埋入面精心制作既萝卜馅料，有丰富既口感，好味！酱皇蒸凤爪凤爪吸收左特制酱汁既精华，好入味，而且好腍好好味😋蜜汁叉烧包叉烧包热辣辣，好松软，咬落去有甜甜哋既蜜汁叉烧，甜中带咸，正！韭黄鲜虾肠肠粉晶凝通透，食落去好滑，入面既鲜虾又大只又弹牙，再加埋佢哋自制既鼓油，好好既配搭，好满足😍千岛酱脆皮萝卜糕呢个绝对系创意点心，估唔到萝卜糕可以咁样配搭，同埋整得咁靓😍配埋千岛酱，真系好正！呢间点心好味，价钱又唔贵，值得试👍