駟馬拖車潮州飯店 (MOSTown新港城中心(4期)) (已結業)

知道屋企附近开左哩间新中菜，所以趁得闲就即刻嚟叹吓茶。早几日同屋企人嚟食下午茶，嚟到都几多人等位，不过好快就有位可以入座。先来一壶玫瑰花🌹茶，每枱旁边都有一部自动加水及保温嘅机，好方便！🔸蒜蓉虾春卷炸得香脆，入面有好多虾、足料！而且唔会话好油。🔸潮州蒸粉果皮好晶莹剔透，食落烟韧，包咗好多馅料有花生、肉碎、马蹄、中芹，好味！🔸蜜汁叉烧肠肠粉够滑！而叉烧份量都几多，食得出蜜汁味，唔错！🔸大地鱼烧卖烧卖入边嘅虾都几大只，虾同肉嘅比例都啱啱好，咬落去有肉汁。🔸椒盐九肚鱼热辣辣炸起好脆，好好味。九肚鱼好滑、无骨，点喼汁食好正。🔸爆口叉烧包叉烧包入边啲馅多到就嚟要留出嚟，酱汁香浓入边有好多粒粒叉烧，足料好味，个包都好松软。