點點心 (已搬遷) 新店位置

朋友们成日出黎旺角开完会都会去哩度食野，所以我今日都跟埋佢地去食下点心先，我地叫左烧汁虎皮尖椒、烧汁酿茄子、酱皇蒸凤爪、金沙肥猪仔流沙包、黑松露野菌肠。烧汁酿茄子先上台: 食落口，鱼肉甜甜地，非常弹牙，好味。烧汁虎皮尖椒: 尖椒辣辣地，配埋烧汁中和反个辣度，当中同样都用左弹牙既鱼肉酿制。酱皇蒸凤爪: 份量只有4只，腌得好入味，而且系无指甲的，唔洗就住黎损。金沙肥猪仔流沙包: 外型好可爱，个样仲串串地，忍唔住即刻要咬佢一啖，D流沙跟住流出黎，D流沙太甜，我唔系好钟意，即刻食反旧黑松露野菌肠中和反下先，肠粉都几滑，黑松露味道都几出，好味。等既时候系有点耐，而环境质数朋友们话好似每况愈下，美食系可以留得住人，但环境差只会吓走人客的，希望改善。